(مه وله وی له م پارچه شیعره یا سکالای حالی خوی و باسی خه م و مه ینه ت و دووری دوستان ئه کاو داوای لوتفی دوستان ئه کا)

تــه رک ئــــینتظار حـــه یات کــه رده نم

یــــانی ژار مـــــار دووری وه رده نــــــم

شــــنوی ره شـــه بای زووســــان هــــیجران

سـه رچـله ی عـه یشم کـه رده ن وه بـوریان

کـــلیله ی خـــه فه ت نـه سه ر کــــاوه ی دل

مــه زره عه ی شـادیم کـه رده ن بـی حــاصل

مـــن جــه خــیل خـــانه ی مــه ینه ت پـامالم

کــون بـــه ینه ت داری پــه رسو ئــه حوالم ؟

مــه ر ئـــازیز وه خــه یر تـه شریف بــاوه رو

نــه ی گــیجــاو خـــه م ده سگـــیریم کــــه رو

بـــــنوشـــنو وه دل صـــــه هبای مـــه یل ویش

په ی وه خت مه رده ن حه سره ت نـه بو پـیش

(مه له وی ئه م  قه سیده یه ی له وه لامی مه حموود پاشای جافا نووسیبوه که له مانگی ره مه زانا بوی نوویسیبو و دوعای خیری بو بکاو بوی بپاریته وه له باره گای خوا) 

ئـــه یاز هــــه مراز نـــاله و ئـــاخ و دوود

عه رزش هه ن وه خاک ئاسانه ی مه حموود

یـــاوا ، وات ، نـــامه ی شیرین انشــادت :

نـــه ی ره مـــه زانــدا نه شوون جه یــادت

نه کـــه رده ن افـــطار ـ دوسه کـــه ی کامل !

سیوای وه مه ی کــووس خه یالـه کــه ت ، دل

فــاتحه ی کــتاب دوعــام ، شه و ئــه ر رون

التــماس حســن خــاتمه کــه ی تـــون

حــه ق وه لطـــف ویش بــاوه رو ئــه وریت

سـوود سـه رمایه ی عــه قیده که ی ویت

وه ر نــه مــن لافـــاو تــاوانــان بــه ر ده م

دوعــا رای ده رگــای قــه بوول گــوم کــه رده م

نه چی ! من پــه نجه ی پــای نــاله م سفته ن

تــو ده ی چــون تـاُثــیر وه نــاله ت جــفته ن

چه ند فه رد ( مه عدووم ) ده روون نــه وه ی دا

بــاوه ر جــه تـــه نخوای نــاله وه نــه ی دا :

مــن ویم مـــزانــوو کـــام تــومـــم کــالان

یــاران پــه ی هــیممه ت  وه نــه م مــه لالان

کــه ره م نــه ده س رجـــای ئــه وگاران

بــو بــه خشه م عـــه شق مــظنه ی یــاران

وه ختی گوشه ی شار خــاموشــان بــو جــیم

نـــه بــوون وه تــــصدیع هـــامسایان ویم